香港市區愈嚟愈迫，單位面積愈嚟愈細；新界交通就愈來愈方便，好多地方都有巴士同小巴到達，一眾網民因此對租村屋愈嚟愈感興趣。
租村屋住村屋成為網絡上近年討論區熱門話題之一，市區屋苑同村屋各有捧場客咁到底住村屋有咩好處？
我地嚟一文細數住村屋嘅好處同注意事項，助你選擇理想居所。
地方闊落環境清幽
街邊太多人與車～
日日係市區返工人多車多廢氣多，都真係會煩到心理不平衡。係村屋環境更加闊落清幽，有親近大自然環境，享受清新空氣嘅機會。
提高生活品質
辛苦工作都係想要好嘅生活～村屋住三樓連天台或者地下有小花園位就可以種下野享受下田園生活。單身人士可以提高生活品質，有一個chill下打下卡嘅地方，家庭住客就可以有更大嘅活動空間俾小朋友成長。
交通唔方便？
有網民表示村屋例如係荃灣一帶就旺中帶靜，行去鐵路站都係七分鐘左右。既可以享受村屋嘅開闊空間同清新空氣，又可以有城市嘅方便。就算郊區，隨住交通網絡同道路網發展都愈來愈完善，交通不再是問題。
天台空間
租村屋三樓單位可以連埋層天台，可以曬下太陽種下花。平時方便曬衫，周末可能BBQ。可以裝太陽能板發電，又可以多個儲物空間。太陽能版嘅電除左自己用同用嚟充電動車，仲可以賣俾電力公司，一舉三得，提高性價比。
高性價比之選
除左上述講嘅天台性價比高，租村屋本身不論樓層都係高性價比之選。
根據香港政府規定新興建的村屋，俗稱丁屋，最多起三層，每層700呎，總共2100呎。700尺比好多市區相近租金嘅單位面積為大。想要睇海景睇靚日落，市區租樓要係樓盤大細同租金間選擇，租村屋就更加係性價比不二之選。
節省泊車使費
住村屋除左租金性價比高，亦可以節省一定嘅車位費，仲有住私樓有各式各樣嘅管理費。雖然都仲係要俾一定嘅泊車費，但點都會低廉過市區車位租值。
不過就要注意因為政府條例所限，村內唔會有會所同GYM ROOM，中意做GYM 嘅就要考慮市區樓盤。
可以養寵物
香港人係市區想養寵物一啲都唔易，因為唔少市區樓盤同公屋居屋對住戶都有大量限制。包括唔容許住客養寵物。住村屋就唔會有咁嘅問題。如果養嘅係大型犬隻，村屋開闊同自然嘅環境對狗狗就更加好。如果單身人士，特別係一個女仔自己住村屋，狗狗亦都可以幫手提高安全性。
不過選擇租村屋亦都有唔少事項要注意，宜家就分享幾個網民們常見問題啦。
租村屋注意事項：
鄰居問題
好多朋友聽到你住村屋都會諗去你到開P，你會咁諗人地都會咁諗。所以有機會好似一位網民咁，撞著鄰居係派對動物，一周末就開P到兩三點，都唔好話唔嘈。
如遇著樓上樓下住戶有養狗，狗狗打理得唔好，身上帶有的異味，亦都會有一定影響。
泊車要小心
在新界鄉村地區，租客千祈唔好見空地又冇車停泊就泊過去，又或者隨手泊係大閘外面。如果唔係車被刑毀，亦求助無門。
建議大家如有需要泊車，宜先向地產代理或業主查詢村內泊車細節同事項，問清車位租款或泊車費是交給村內哪位人物。
此外，個別的一些鄉村，更需收路費，讓擁有路權的地主，籌集資金作路面維修及保養之用。
外賣問題
有網民話自己試過叫外賣因為係住村屋而被拒送，而一啲網民亦表示難以用手機app落單。
所以各位租村屋成要先確定心儀村屋有好嘅GPS定位，方便外賣app為你找出會送餐嘅餐廳等。減少叫完唔送無得食嘅慘況。
私隱度及保安問題
單身女子自保
單身女子想要保安度同私隱度高啲，首選一啲實行屋苑式管理村屋有屋苑大閘、24小時保安員駐守，以及村內設有閉路電視裝置的村屋較佳，賊人較難作案。租金差別唔大就一定係揀呢種安全、有圍牆嘅話私隱度就會更高；若仲係擔心嘅話，可以自己額外裝設閉路電視，由自己手機就可以睇到屋內外嘅情況。
選擇路口村屋
屋苑式村屋有好多都鄰近小巴站鐵路站，揀路口位嘅村屋可能會比位置較入嘅村屋嘈啲啲，但就可減少夜歸時的安全問題。如果係家庭住客亦都可以減少對小朋友安全嘅憂慮
市居樓盤同村屋各有捧場客，而選擇租村屋嘅好處多，支持者眾，係好多人嘅理想居節。只要選擇物業時，問清楚業主同地產代理相關的周邊資料，就可以享受住村屋的好處，同時受少好多煩惱啦。
